بعيد زى المستحيل
** بعيد زى المستحيل 00 ياللى شيفاك العيون **
** لو تكون لى الدليل 00 القى كل الخوف يهون **
** بعيد زى الأمنيات 00 والأمال الفرحانين **
** اللى بتخلى الساعات 00 تسعد القلب الحزين **
** بعيد زى المعجزات 00 والحكايات الغريبه **
** ياللى أنت الأمنيات 00 والأناشيد الحبيبه **
** بعيد وأنت الأغتراب 00 ياللى على السكه الجديده **
** صورتك الحلوه سراب 00 خايل الضحكه السعيده **
** بعيد وأنت العمر كله 00 والليالى والسنين **
** لو تغيب مين حاقوله 00 على المحبه والحنين **
** بعيد يا واحة هوايا 00 رغم قربك من الفؤاد **
** لسه شايلك فى الحنايا 00 أنت وعهود الوداد **
** بعيد وأنت كل شىء 00 وأنت أشواق المسافر **
** مهما غربنى الطريق 00 راح أعود 00 مش راح أهاجر